Nú er ég búinn að færa síðuna mína yfir á mbl.is.

slóðin er

>>http://pulsuhundur.blog.is/blog/pulsuhundur/<<

ég er voðalega hugmyndalaus um hverju ætti að bæta inná þessa tómu síðu. endilega kommentið um hvað ég á að bæta inn á þessa síðu. Nú er skólinn bráðum að klárast, og ég er mikið ánægður með það.

Nú er maður loksins frjáls, þó ekki sé nema í einhvejra 11 daga. Nú get ég loksins sofið út. Ég var á Selfossi í gær, og átti leið inn í Hljóðhúsið. Keypti mér þar 3 ágætis gítarneglur. Ég er búinn að læra heilmikið nýtt á gítarinn, meðal annars Theme lagið úr Lord Of The Rings. Ég hef ekki frá mörgu öðru að segja...

Búið er að velja áfangastað, og varð Tyrkland fyrir valinu Get ekki beðið eftir að komast þangað Síðast þegar ég fór til útlanda, þá var ég eins og hálfs ára og man auðvitað ekkert eftir því.

Jæja, ég er snúinn aftur í bloggskapi, en fjarvera mín hefur verið mjög löng. Ástæðan fyrir engu bloggi svona lengi er einfaldlega sú að ég er orðinn svo fjandi latur við þetta. Ég var í afmæli í gær og var það mjög gaman. Það var horft á myndina "Little Man". Fyrir þá sem ekki kannast við myndina, farið hingað.
>> http://www.imdb.com/title/tt0430304/ <<
Þetta er hin fínasta mynd. Ég er búinn að vera að spila helling á gítarinn minn, og kann meira nú heldur en ég kunni áður. Það er próf í skólanum á mánudaginn, og hellingur að læra. Ég nenni ekki alltaf að vera að læra endalaust. Sem betur fer er ég búinn með andstyggðar stærðfræðibók sem ber nafnið "Geisli". Það er ótrúlega þreytandi bók. Mamma mín botnar varla neitt í henni, ekki Guffi bróðir minn heldur, og stundum botnar kennarinn ekkert í henni heldur!!! Allavega er ég búinn að fá heldur skárri bók núna.Nú er verið að plana utanlandsferð, og er áfangastaðurinn eitthvað af þessu: Rhodos - eyja hjá Grikklandi, Krít - líka eyja hjá Grikklandi eins og flest allir vita, eða Marmaris - Tyrkland! Ég get varla beðið eftir að fara út! Síðast þegar ég fór til útlanda, þá var ég eins og hálfs árs, þannig að ég man ekkert eftir því. En ég ætla að binda enda á þetta blogg. Blogga meira seinna.... vonandi....

Ef þið viljið horfa á fyndnar klippur, farið þá inná þetta: http://www.hugi.is/hahradi/bigboxes.php?box_id=51208

mæli sterklega með þessari síðu.

Jæja, nú er jólafríið búið og skólinn byrjaður aftur. Það var mjööööög pirrandi í skólanum í dag, það var annar kennari af því kennarinn sem átti að kenna okkur var veikur. Þessi kennari var að kenna okkur stærðfræði, og hann spurði svona 50 sinnum hvort 3 sinnum 9 væri 27! ,,Hvað er 3x9? hvað er 3x9? hvað er 3x9.....

Allur bekkurinn var að brjálast!!! En það var svosem ágætt í endan því þá fengum við að fara í tölvurnar og gera bara það sem við vildum. Það er reyndar orðið frekar leiðinlegt af því að þetta eru svo lélegar tölvur. Skjákortið er svo ömurlegt að það ræður varla við neina leiki! og svo eru þær svo slow að maður getur varla gert neitt! Það mætti hafa kannski aðeins betri tölvur! 

Blogga meira seinna...

Jæja, nú er búið að rífa utan af pökkunum, og innihaldið var gott

Listinn:

MP3 spilari
Eragon - Öldungurinn (bók)
Þrumufleygur (önnur bók)
DVD - Click
DVD - Pirates of the caribbean - Dead man's chest
DVD - Cars
DVD - Futurama - season one (teiknimyndaþættir frá sömu framleiðendum og gera The Simpsons)
PS2 - Grand theft auto - Liberty city stories
Síðerma bolur
Peysa
ilmkerti (smágjöf frá vini mínum)
Quality street nammidós

Jámm Þetta var allt fínt

Ég vil nú bara segja gleðileg jól

Ég hef ekki bloggað síðan ég veit ekki hvenær, en ástæðan er einfaldlega sú að ég hef ekki nennt að skrifa. Guðríður systir mín er nýbúin að eignast barn, og er það vikugamalt í dag. Ég er búinn að vera lasinn yfir alla helgina, og fer ekki í skólann á morgun. Jólafríið mitt byrjar á miðvikudaginn, og ég get ekki beðið. Ég er orðinn hundleiður á þessum fjárans skóla. Hörður frændi minn, sem er í vinaflokknum, fór til pabba síns yfir helgina, og fékk að hafa PS2 tölvuna mína með sér. Ég er ekki sáttur, af því að Guðríður vann leik í sms leik frá BT. Leikur þessi ber heitið Commandos strike force, en er fyrstu persónu skotleikur sem gerist í seinni heimstyrjöldinni. Guðríður ætlaði að gefa Herði hann (Hörður er sonur hennar), en Guffi hélt að hann væri aðeins of erfiður fyrir 7 ára strák, og ég hélt það líka. Guðríður segir mér að ég megi eiga hann af því að hún haldi að hann sé of erfiður og ljótur fyrir Hörð. Ég varð ansi ánægður með þetta, nema hvað, ég er ekki með tölvuna. En allavega, ég prófa hann seinna í kvöld, þegar Hörður er kominn með gripinn (tölvuna). En nú set ég síðasta punktinn.

Blogga meira seinna...

Út af einhverjum óskiljanlegum ástæðum get ég ekki komið inn mynd af Ford Mustang GT, en það er auðvitað hægt að skrifa Ford Mustang GT á google. En það eru samt myndir af Alfa Brera, Mazda RX-8, Porcshe CaymanS og Lotus Elise.

ég hef komist yfir ítölsku orðabók, og hefur setningin "Io che genio, peró tu irritare imbecille" verið í mínu uppáhaldi af því sem ég hef verið að læra. Setningin þýðir: Ég er snillingur, en þú ert hálfviti. Heheheh. Einn vinur minn á msn hét the italian eða eitthvað, og ég var alltaf að bögga hann með einhverjum setningum. T.d. irritare squilibrato, sem þýðir ertu geðveikur. En hann hafði náttúrulega ekki hugmynd um það, og svona böggaði ég hann aftur og aftur.

Ath! Myndirnar af bílunum eru alvöru bílarnir, ég tek ekki myndir af bílunum á skjánum. En allavega, ég hef því miður ekki hugmynd um hvernig á að setja inn myndir af netinu, svo ég þarf að komast í færi við meistara minn, Guðfinn bróðir minn. Ég kalla hann meistara minn af því að hann kenndi mér mikinn hluta af því sem hann kann á tölvur, og hann kann MIKIÐ. Svo þá hlýt ég að kunna mikið. En ég veit ekki hvernig maður kemur inn myndum af netinu, allavega ekki ennþá. En því miður er meistari minn í Reykjavík að spila leik guðanna. FIMBULFAMB. Ég á eftir að setja link á heimasíðu Fimbulfambs, en meistari minn bjó hana til.



En ég fór á Borat síðasta sunnudag. Hún er SNILLD! Meistari minn á enn eftir að fara á hana í bíó. Það er ekki alltaf gaman að vera lærlingur. Það koma stundir þar sem ég er sendur fram og aftur til að ná í engjaþykkni, gos og fleira fyrir meistara minn. En jæja, hef ekki meiri þolinmæði í hugsun.

Jæja, ég er búinn að fá enn einn leikinn! Í þetta sinn er það nýjasti leikurinn í Need For Speed seríunni, eða Need For Speed: Carbon. Hann er snilld! ég er með Alfa Brera, Lotus Elise, Ford Mustang GT, Porsche CaymanS, og Mazda RX-8. Þetta eru allt magnaðir bílar. ég set kannski myndir af þeim seinna.

Ég er alls ekki sáttur! Ég tognaði í skólanum á föstudaginn! Ég er að drepast í fætinum og er haltur! En jæja, það verður að hafa það Ég var í dönsku prófi og stærðfræði prófi. Ég var nú bara í stærðfræði prófinu áðan en dönskuprófið var minnir mig á föstudaginn síðasta. Það var ógeðslega létt. Stærðfræði prófið var erfiðara en samt skítlétt. Það verður bara gaman næstu daga, því ég er bara í skólanum á morgun og svo er frí á miðvikudaginn. og nemendasamningar á fimmtudaginn og föstudaginn og ég fæ líka einkunnir úr samræmduprófunum á föstudaginn. En jæja, hef ekki þolinmæði til að hugsa aftur um hvað hefur gerst og hvað er að fara að gerast meira. Svo hér set ég síðasta punktinn.